ENTECH.AL SH.P.K. (“Entech”) respekton privatësinë e klientëve dhe të vizitorëve. Kjo politikë shpjegon cilat të dhëna mbledhim kur përdorni Entech SM, pse i përdorim dhe cilat janë të drejtat tuaja sipas ligjit shqiptar për mbrojtjen e të dhënave personale.
1. Të dhënat që mbledhim
- Llogaria: emri, emri i kompanisë, email, telefoni, NIPT dhe adresa, si dhe fjalëkalimi, që ruhet vetëm i enkriptuar (hash).
- Përdorimi: postimet e krijuara, rrjetet e zgjedhura, data dhe statusi i publikimit, përdoruesi që e kreu.
- Përmbajtja: artikujt, fotot, videot, muzika dhe logot që përdorni për krijimin e reel-eve. Videot e gjeneruara ruhen përkohësisht dhe fshihen automatikisht.
- Pagesat: shuma, data, statusi dhe referenca e transaksionit. Të dhënat e kartës nuk kalojnë dhe nuk ruhen te ne: pagesa me kartë kryhet direkt në faqen e sigurt të bankës (3D Secure).
- Teknike: adresa IP dhe një cookie sesioni e domosdoshme për hyrjen në panel. Nuk përdorim cookie reklamash.
2. Pse i përdorim
- Për të ofruar Shërbimin: krijimin e reel-eve dhe publikimin në rrjetet që keni autorizuar.
- Për faturimin, njoftimet për abonimin dhe mbështetjen teknike.
- Për sigurinë e llogarisë dhe parandalimin e abuzimeve.
- Për detyrimet ligjore (p.sh. tatimore).
3. Me kë i ndajmë
Nuk i shesim të dhënat tuaja. I ndajmë vetëm me sa është e nevojshme me:
- rrjetet sociale ku publikoni (Meta, TikTok, Google/YouTube, X, LinkedIn etj.), sipas autorizimit tuaj;
- ofrues shërbimesh që na ndihmojnë të ofrojmë Shërbimin (hostim, publikim në rrjete sociale, email) dhe që i përpunojnë të dhënat vetëm sipas udhëzimeve tona;
- bankën që përpunon pagesën me kartë;
- autoritetet, kur ligji e kërkon.
Lista e plotë e nënpërpunuesve jepet me kërkesë të klientit.
4. Sa kohë i ruajmë
Të dhënat e llogarisë ruhen sa kohë llogaria është aktive dhe deri në 30 ditë pas mbylljes. Të dhënat e pagesave ruhen sa kërkon legjislacioni tatimor. Videot e gjeneruara fshihen automatikisht brenda 12 orëve nga serverat tanë, pasi të jenë publikuar ose shkarkuar.
5. Siguria
Përdorim lidhje të enkriptuara (HTTPS), fjalëkalime të enkriptuara, akses të kufizuar sipas roleve dhe serverë të mbrojtur. Asnjë sistem nuk është 100% i sigurt, por përpiqemi vazhdimisht ta mbrojmë Shërbimin.
6. Të drejtat tuaja
Keni të drejtë të kërkoni akses, korrigjim, fshirje ose kufizim të përpunimit të të dhënave tuaja, si dhe të kundërshtoni përpunimin. Për këto na shkruani te info@entech.al. Keni gjithashtu të drejtë të ankoheni te Komisioneri për të Drejtën e Informimit dhe Mbrojtjen e të Dhënave Personale.
7. Kontakt
ENTECH.AL SH.P.K. · Tiranë, Shqipëri · 069 546 0000 · info@entech.al